(S2) Episode 13: Pakisabi Na Lang

Ang nakaraan sa Rainbow Connection...

"Movie?"

"Oo!"
"Tagalog?"
"Hindi!"
"Hollywood?"
"Oo!"
"Horror?!"
"Pwede."
"Drama?"
"Pwede!"
"Pwedeng drama...Pwedeng horror?" 
"OO!"
"Ano ba'to... love story?"
"PWEDE!"
"Ang hirap. Lahat na kinamkam!" 

Times up.

Tinanggal ko ang papel na nakadikit sa noo ko. Ghost ang sagot.  Bwisit.

"Oh lahat naman nung sinabi mong genre pwede di ba?" sabi ni Edgar. Napakamot na lang din ako.

Natatalo kami sa Pinoy Henyo. Nasa condo kami ni David at naging tradisyon na naming apat na magcelebrate ng New Year together. Sinasalubong naming magkakaibigan ang bagong taon. Well bawal ang plus one dahil nga ang December 31 ay nakalaan lang para sa aming apat. So si Mark kasama si Sophia na sasalubingin ang New Year sa MOA. Tapos si  Monti naman dinner with his family. As for us habang naghihintay magmidnight, nanood muna kanina ng My Amnesia Girl sa DVD na pinagbibidahan nina JL at Toni. Then heto naglaro ng Pinoy Henyo.

"Panalo kami!" sabi ni David, masayang pinapakita ang kanilang score na 5 tas kami 3.

"Pero parang hindi naman masaya yang ka-team mo!" sabi ko naman.

Alam kong pilit lang na nakikisama si Green. Buong araw siyang wala sa focus at malayo ang iniisip.

"Sus. Nikko problems na naman?" bati ni Edgar.

Tatango si Green. Tatabihan siya ni David sa puting sofa.

"Ginawa ko naman ang lahat. Ilang araw na niya akong kinakausap. Hindi niya sinasagot texts ko, tawag, pm sa fb... it is as if I don't exist." malungkot na pagbabahagi ni Green.

Tatabihan din siya ni Edgar, so nasasandwich na si Green sa pagitan nila David.

"Don't worry. I know the feeling. Pinatay na ako ng pamilya ko remember? So parehas na tayong multo ngayon." Aakbay pa si Edgar kay Green, hindi mo malaman kung nang-aasar o talagang concern.

"Give Nikko time ate. Baka malay mo mamaya sa rooftop kausapin ka rin niya! Matatauhan din yun. New year pa naman." sabi ko kay Green.

"Yeah right Ms. Brightside." irap ni Green. "Dapat talaga hindi ko na lang pinagtakpan yung Ella na yun e. Dapat sinabi ko na lang kay Nikko ang lahat para hindi kami nagkakaganito..."

"Ate it's not your secret to tell, tama lang ang ginawa mo." sabi naman ni David.

"Yeah. Whatever. Anyway huwag nga nating pag-usapan. Nadidepress ako e. Tutal ikaw naman pinakamasaya dito, pag-usapan na lang natin ang New York trip mo next month." binago ni Green ang usapan.

"Happy New Year!" binlow ni Edgar ang torotot na hawak sa tenga ni David.

"What the --" nabingi si David.

"Tang ina naman Edgar e." inis na inis si Green dahil nadamay siya. Natawa na lang din ako.

"Eh ang swerte nitong kaibigan natin e. May love life na nga, may free trip to NY pa!" sabi ni Edgar.

"Sana bumagsak ang eroplano mo!" hirit pa ni Green habang finifinger ang tenga, as if makakatulong yun para mawala ang pagkabingi. Natawa kaming tatlo.

"Grabe ka naman Green! Pinatay mo pa ako. Idamay mo na rin si Ram, swerte rin 'to!" turo sa'kin ni David. "Masaya ka rin naman di ba?"

"Oo naman." sagot ko.

"Talaga ba?" tanong naman ni Edgar, may something sa tono niya. Parang naninigurado na ewan.

"Champagne guys!" putol ni David sa usapan, habang binibigay niya sa amin ang mga wine glass.

"Atat uminom? Eh may lasenggero dito oh!" pasaring ni Green kay Edgar.

"May tinatamaan ba sa champagne?" tawa ni Edgar.

"Heto." sabi naman ni David habang nilalagyan niya ng alcoholic drink ang aking wine glass.

"E alam niyo naman hindi ako tanggera." sabi ko na lang.

"Lasing ka na kasi sa pag-ibig." hirit ni Edgar.

"Inggit ka naman?" sabi ko. "Humanap ka na rin kasi."

"Nakita ko na." sagot niya.

Nanlaki ang mga mata ko. Napatingin din sa kaniya ang dalawa.

"OMG. New year magic ba'to?" sabi ni David.

"...kaso niloko niya ako dati di ba?" pakli ni Edgar.

"Hindi ka na nakamove on don? Puro kantot na lang nasa isip mo." sabi ni Green.

Natawa na naman kami. Pero hindi ko alam, pakiramdam ko nagsinungaling si Edgar. Ewan. Kaso bakit naman niya gagawin yun? Bakit naman siya magsisinungaling kung nakita na nga niya ang lalaking magpapatibok sa puso niya?

"Hindi ako naniniwala sa sinabi mo kanina." sabi ko kay Edgar habang nagbabasa sina Green at David ng kanilang forecast sa 2014 sa internet.

"Saan?" tanong niya habang nilalantakan ang peras na kabilang sa mga bilog na prutas na nilagay ni David sa center table.

"Na niloko ka nung bagong nakita mo." usisa ko.

Medyo natahimik ang gago. Sabi ko na nga ba may tinatago ito.

"Pwede." binasag niya ang katahimikan.

"So nakita mo na nga?" ngumiti ako, naexcite.

"Oo." nakatitig siya sa akin.

"Kilala ko ba ito?" mas lalo akong naexcite.

"Oo." sabi niya, this time mas intense ang tingin niya sa akin.

"Sino?"

Sasagot na sana si Edgar ang kaso bigla kaming ininterrupt ni David...

"Guys! Ten minutes na lang 12 na! Lets go na sa rooftop!" Nagpanic siya dahil masyado silang naengross ni Green sa kanilang mga kapalaran.

Nagsisipanikan ang mga nakatira sa condo sa roof top kapag New Year para masaksihan ang fireworks sa kalangitan ng Kalakhang Maynila. Pero si Green iba ang inaabangan niya. Hinahanap niya si Nikko at nagbabakasakaling umakyat din ito para makisali sa kanilang merry making. Bigo siya.

"Nandito naman kami." sabi ko kay Green. Napatingin siya sa akin.

"Wala naman akong mapapala sa inyo no.." biro niya. Natawa na lang ako.

"New year na new year... bawal malungkot. Sige ka buong taon kang bubusangot!" paalala ko sa kaniya. May pamahiin kasi na kung ano raw ang unang gawin mo sa bagong taon, iyon na ang gagawin mo sa buong taon.

Excited ang lahat. Nakatingin sila sa kanilang mga orasan.

"Guys, ten seconds na lang!" announce ni David.

"10... 9... 8... 7..." sabay sabay ang lahat... "6... 5... 4... 3... 2... 1..."

"Happy New Year!"

Mula sa iba't-ibang dako ng Metro Manila, makikita ang fireworks sa kalangitan. Niyakap ko ang tatlo kong kaibigan. Mahigpit na mahigpit. "Happy New year guys... I love you..." sabi ko.

"I love you too.." si Edgar lang ang narinig kong sumagot.

"I love you too guys..." narinig ko rin si David...

Kasabay ng mga putukan, nakabibingi rin ang mga torotot na hinihipan ng ibang tao sa rooftop. Masaya ang atmosphere. Somehow nakita ko ring napapangiti si Green dahil sa vibe, pero alam ko nakatingin pa rin siya sa hagdan, umaasang mag-eemerge dun si Nikko.

Malamig ang hangin sa rooftop. Mag-aalas dos na kaya medyo kaunti na lang ang tao pero kaming apat nandun pa rin. Namumula na ako dahil sa champagne at meron ding umiikot na tagay mula sa kung sino man.

Katatapos lang ni David kausapin si Monti sa phone nung tumabi siya sa akin.

"Tumawag na si Mark?"

Umiling ako. "Busy pa siguro."

Ngumiti si David. "Im so happy for you." aniya.

"No. Im so happy for you!" ganti ko.

"Honestly medyo natatakot ako. Kasi ang perfect. Ang smooth sailing ng lahat." sabi ni David. Nag-aalala.

"Ayaw mo nun? At least nakita mo na si the one." I assured him.

"Wala lang. Paano kung bawiin sa akin lahat? Masyado kasi akong masaya... what if bukas matauhan ako bigla... o matauhan siya?" alam kong nangangamba si David.

"Ate relax. Hindi lahat ng lalaki gaya nung ex mo." sabi ko sa kanya.

"Well baka paranoid nga lang ako... Monti is perfect." sabi na lang ni David, alam ko ring sinusubukan niyang kumbinsihin ang sarili na everything is well.

"Laro tayo." sabi ni Green kay Edgar.

"Ano?" tanong naman ng ikalawa.

"Pinoy Henyo ang pagsagot sa aking tanong. Oo, Hindi, Pwede lang dapat ang sagot."

Nakatingin lang sa kaniya si Edgar, waiting for him to shoot.

"So ginagago mo lang kami kanina tungkol sa love life mo?"

"Oo."

"So in love ka nga?"

"Pwede?" sagot ni Edgar.

"Kay Ram?"

Hindi makakasagot si Edgar. Alam na ni Green ang sagot. Mapapangisi siya. Mapapatingin si Green kay Ram na kausap si David.

"Ngayon parehas na nga tayong multo. Hindi na tayo makikita ng taong mahal natin." sabi ni Green.

"Hindi naman ako umo-Oo sa'yo ha?" 

"Hindi ka rin naman humindi."

"Dahil wala sa tatlo ang sagot." 

"Wag mo nga akong gaguhin."

"Hindi na ako muling mapapaiyak pa ng isang lalaki..."

"Eh bakla naman yan."

Magtatawanan ang dalawa.

"Bakit hindi mo sabihin?"

"Gago ka ba?" sagot ni Edgar kay Green.

Matatahimik si Green, maiintindihan niya si Edgar. It's not his secret to tell.

Muling tumawag si Monti kay David. May mga panaka-nakang fireworks pa rin sa horizon. Napangiti ako. Naisip ko matagal din akong naging single. Salamat sa tatlong kaibigan ko na pinunan nila ang pagkukulang.

Napatingin ako kay David na kita ang kislap ng mga mata habang kausap si Monti. Binaling ko ang atensiyon ko kay Green at Edgar na masayang nagtatawanan. Madalas silang magclash sa ibang bagay pero alam kong mahal nila ang isa't-isa.

Mapapatingin sila sa akin, ngingitian ko sila. Nakatingin sa akin si Edgar. Matamis ang kaniyang ngiti. Napangiti na rin ako. Papalapit siya sa akin. Hindi rin ako makapaniwala na first time kong sasalubungin ang bagong taon na somewhere out there, may taong nagmamahal sa akin.

...at tumatawag siya sa akin ngayon.

"Hello Mark... happy new year... i love you...."

Weird lang na habang sinasabi ko ang tatlong salitang yun sa lalaking mahal ko, nakatingin ako kay Edgar, ang lalaking minsang nagpatibok din ng aking puso...

Hanggang kailan kaya ang cold treatment ni Nikko kay Green? 

Kaloka sumasabay sa malamig na panahon si kuya! 

Heto namang si David may pangamba-ngamba pang nalalaman?! 

Honeymoon jitters teh? 

At hetong si Edgar, confeeermed na confeeermed na nga ang feelings for Ram! 

Kailan niya kaya maiispluk e dalawang episode na lang ang natitira sa Season 2! 

Ano kaya ang gagawin ni Ram kapag nalaman niyang lab na rin siya ng dating kinainlaban?

Abangan next week ang more more intense na ganap ng RAINBOW CONNECTION!

Huling dalawang episodes na lang ng season! Bibitaw ka pa ba?