(S3) Episode 9: (You Make Me Feel Like) A Natural Woman

Ang Nakaraan Sa Rainbow Connection...
*****

Looking out on the morning rain

I used to feel so uninspired

And when I knew I had to face another day

Lord, it made me feel so tired

Before the day I met you, life was so unkind

But you're the key to my peace of mind...

Yes! Matapos ang ilang buwan ay medyo nakikita na ang pagbabago sa aking katawan. Month 1-breast tenderness at ngayong Month 2- smoother skin, acne clearing at nipple growth (gusto niyo masight? Chos!). And i am expecting my leg and arm hairs to grow thin sa ikatlong buwan. Tuluy-tuloy na talaga ako sa daan patungo sa kung ano talaga ako. Isang tunay na babae. Salamat sa mga tableta...napapakanta na lang ako.

'Cause you make me feel

You make me feel

You make me feel like a natural woman

Kaya with my newly bought dress ay rumampa kami ni Jaboom ang we painted the town red. Pagkatapos ng matagal na panahon ay pakiramdam ko na bumabalik na ang confidence ko. Habang naglalakad kami ni Jabs ay kasabay ko si Mareng Tuesday Vargas sa pagsasabing, "babae po ako!". Kasabay ng pag-sway ng buhok ko sa hangin ang mga baywang namin ni bakla sa paglalakad. Parang akin ang buong kalsada. Hanggang sa pagtawid namin ay may humaharurot na kotse na may maingay na sounds ang dumaan. Nagbukas ng bintana sila kuya. Guwapo...akala ko kakausapin kami.

"Bakla! Bakla!"

At ganun lang kadali, bumalik ako sa tunay na mundo. Bakla pa rin ako.

*****
"Tibo! Tibo! "

Ito naman ang paulit-ulit na nagsusumigaw sa utak ni Edgar. Isang linggo na simula ng malaman niya ang totoong pagkatao ni MK. At hindi niya ito matanggap. Karma niya 'yan! Chos. Simula noong araw na iyon, just like the usual Edgar ay iniiwasan na niya si MK. At nahahalata na ito ni ate mong burcia.

Breaktime. At nagyoyosi na naman si Edgar sa smoking area ng building. Iiwas sana siya pero nakita na siya sa malayo ni MK. Tatanungin ni MK kung magsasabay ulot sila sa church this Sunday. Puro palusot lang si Edgar hanggang sa mapush siya ni MK na umamin kung bakit siya umiiwas.

"Hindi ko lang kasi inexpect na ganyan ka. I mean, you really look like a guy. Pero hindi pala." Naghahanap si edgar ng magandang masasabi na hindi bastos.
"So? Kinaibigan mo lang ako kasi akala mo mapopormahan mo ako?" Si MK.
"Kinda. Pero kasi, I also have this thing na...ahhh, why do you guys have to do dress like that. Ako bakla ako but i don't dress like a girl." Foul Edgar.

Nagulat na lang si edgar ng sinuntok siya sa fez ni MK.

"Ayaw mo sa church kasi nakikitiran ka sa utak nila. You don't realize na bagay ka sa kanila. Kitid din ng utak mong bakla ka! Mas lalake pa ako sayo!"

In fairness, kahit tibo si MK ay may flare si ate for drama. Napahiya si Edgar sa mga kasama. Sana maalog na ang utak niya sa backward niyang pag-iisip.

*****

When my soul was in the lost and found

You came along, to claim it

I didn't know just what was wrong with me

'Til your kiss helped me name it

For the past months naman ay masaya si Green. Dire-diretso ang relationship nila ni Nikko. Nakuha na niya ang pagmamahal ng kaisa-isahang lalakeng minahal niya sa buong buhay niya. Isinasabuhay niya rin ang pantasya ng ilan nating mga kapatid...ang mahalin ng isang straight na lalakeng walang bahid ng kabaklaan. Parang isang tunay na babae.

Masaya siya...noon. Hindi na ngayon. Simula palang ay may usok na sa relasyon nila. At kapag may usok-may apoy. Ngayon parang sinusunog si Green na parang mangkukulam na ginayuma lang si Nikko kaya nakipagrelasyon sa kanya.

Pinakiusapan siya ng mga magulang ni Nikko na hiwalayan na ito. Baka naguluhan lang daw ito. At nang kausapin niya ang boyfriend ay hindi siya naipagtanggol nito. Lumabas pa tuloy lalo na siya lang ang nagplano ng lahat. Lahat ito ay nasa isip ni Green habang nag-oaudition para sa staging ng “La Cage Aux Folles” at kumakanta ng “I Am What I Am”. Pagkatapos ng kanta ay bumaha na ang luha ni bakla at madaling umalis.

“Okay ka lang? Ako nga pla si Vin.” Sabay abot ng panyo ng isa ding mag-oaudition.
“Wala ‘to. Salamat.” Iyon lang at sumakay agad si Green sa taxi na dumaan sa building.

Gulung-gulo at umiiyak pa rin sa taxi si Green. Humihingi sa langit ng sign kung ano ang gagawin niya.

*****

Now I'm no longer doubtful of what I'm living for

And if I make you happy I don't need to do more

Kung si Ram naman ang humingi ng sign, OA na ang dami ng binigay sa kanya. Nagkapalitan sila ng bag sa airport ng cute na chinitong boylet. At magkatabi pa sila sa flight. Dito niya nalaman na Erik ang pangalan nito at first time nitong pupunta sa Singapore. Parehas sila ni Ram. Idagdag pang parehas din silang mukhang mahiyain at tahimik kaya hanggang pangalan lang at ano ang ganap sa Singapore ang napag-usapan nila.

Pagdating sa hotel ay nagpahinga agad si Ram at kinabukasan na siya nagising. Una niyang pinuntahan ay ang Universal Studios at nagulat na lang si Ram nang makita niya si Erik na pasakay ng isang ride. At kinagabihan, sa Night Safari ay nasa isang bus lang din sila. Malayo nga lang ang upuan nila. Natatawa na lang si Ram pero kung sabagay nga naman ay maliit din lang ang Singapore.

Pero nang magkita pa rin sila dalawang araw ang nakalipas sa Mint Museum ay nagkaroon na ng lakas ng loo bang dalawa. Pinack-up ang mga Maria Clara selves nila.

“Vintage at toys-two of my favorites.” Simula ni Erik.
“Sasabihin ko din sana ‘yun. Oh well, halata namang halos pareho tayo ng mga trip.” Dagdag ni Ram.

Nagtawanan ang dalawa. At to celebrate their week in Singapore, nagdecide ang dalawa na tigilan na ang chance meetings at magkita na ng sadya. Kape lang naman.

*****

At dahil coffee shop ang itinatayo ko, naisip kong mag-almusal ng pandesal. Bored ako at hindi sumasagot si Green sa katok ko sa unit niya. So, naisip ko nalang na dalhan din ng pandesal at liver spread ang mga karpintero sa coffee shop.

Pero napaaga ata ako dahil wala pang tao. Si Roger lang. Siya daw kasi ang assigned na magstay-in noong gabi. Kaya dahil kami lang dalawa ay no choice na kung hindi makipagkuwentuhan.kung anu-ano lang ang pinag-usapan naming. I tried to keep the topic neutral kahit na nakasandong fit lang siya at parang may hard-on pa sa masikip na shorts.  Parang mina-magnet ang mata ko at minsan pa ay nahuli niya ako. Nginitian niya lang ako.

Balik ako sa mga tanong na kung anu-ano. Sabi ko masipag siya. Sabi niya ay kailangan daw. Nalaman kong panganay na siya at nasa 30 na. Sabi ko suwerte ang pamilya niya dahil masipag siya. Suwerte din naman daw sila sa akin as boss dahil maalaga ako. Ngumiti siya.

Pinigil ko ang sarili kong magayuma sa ngiti niya. Hanggang sa hindi ko narealize na mali ang naitanong ko.

“Puro kapatid ang kinukuwento mo, wala ka pa bang asawa?” Nang marinig ko ang sinabi ko at kung paano koi to sinabi ay narealize ko agad na hindi ko na napigil mag-flirt.
“Hindi ko pa ho kasi nakikita ang babae para sa akin, ma’am.” Sagot ni Roger.
“Ano ba ang type mo?” pa-inosenteng usisa ko.
“’Yung maalaga ho.” Sabay ngiti ni Roger.

Hindi ko malaman ang gagawin. Ala-sais palang sa orasan.  Ala-siete pa daw darating ang iba pang karpintero.

'Cause you make me feel

You make me feel

You make me feel like a natural woman

Oh, baby, what you done to me?

You make me feel so good inside

And I just wanna be close to you

You make me feel so alive

You make me feel

You make me feel

You make me feel like a natural woman

*****

Ang daming bagong ganap sa buhay ng mga bakla!

Si Edgar na najombag ng tibo…matauhan kaya si ate? Ano ang mangyayari sa kanila ni MK?

Si Green na problemado…maayos pa kaya sila ni Nikko? Ano ang gagawin ng mga parientes?

Si Ram na nagliliwaliw…ano ang magiging ganap ni Erik sa buhay niya?

At si David na lumalandi…saan papunta ang landiang ito with Roger?

ABANGAN sa susunod na ganap ng

 RAINBOW CONNECTION Season 3!

At kung gusto mo naman ng katatakutan...

Bumisita lang sa Dama de Noche!

www.blogseryespecials.blogspot.com